BhavBrahma

चीनच्या जवळ जाणे कितपत फायद्याचे ? डोनाल्ड ट्रम्प यांनी टॅरिफचा भोकाडा दाखविल्याने चीनच्या जवळ जाण्याचा प्रयत्न भारत करीत आहे. रशिया-चीन-भारत अशी आघाडी जगभर दबदबा निर्माण करेल आणि अमेरिकेलाही शह देईल. प्रत्यक्षात हे होईल का ? भावेश ब्राह्मणकर चीनचे परराष्ट्रमंत्री वांग यी भारत दौऱ्यावर आले. परराष्ट्र मंत्री सुब्रह्मण्यम जयशंकर, राष्ट्रीय सुरक्षा सल्लागार अजित डोवाल आणि पंतप्रधान नरेंद्र मोदी यांच्यासमवेत त्यांनी चर्चा केली. यी यांच्या आमंत्रणानुसार ऑगस्टच्या अखेरीस चीनमध्ये होणाऱ्या शांघाय शिखर परिषदेला पंतप्रधान मोदी जाणार आहेत. खासकरून अमेरिकन अध्यक्ष डोनाल्ड ट्रम्प यांनी भारतीय मालावर (२५ अधिक २५ असे एकूण) ५० टक्के आयात शुल्क लावण्याचा निर्णय जाहीर केल्यानंतर भारत चीनशी जवळीक करीत असल्याचे बोलले जात आहे. ही सलगी कितपत योग्य आहे ? यातून काय साध्य होणार ? भारताला त्याचा अधिक फायदा आहे की चीनला ? आजवरचा इतिहास काय सांगतो ? ट्रम्प हे तोंडाळ नेते असल्याने त्यांना प्रत्युत्तर देणे किंवा उघडपणे कुठलेही भाष्य करणे भारताने टाळले आहे. अन्य पर्यायांची चाचपणी भारताने सुरू केली आहे. ...

बरं झालं मुनीर अण्वस्त्रांबद्दल बोलले ! पाकिस्तानी लष्कर प्रमुखांनी अमेरिकेत अण्वस्त्रांबद्दल मोठे वक्तव्य केले आहे. यानिमित्ताने पाकची विचारधारा आणि आगामी काळातील रणनिती स्पष्ट झाली आहे. शिवाय भारताला नामी संधीही चालून आली आहे. भावेश ब्राह्मणकर जहाल वक्तव्य आणि कट्टर प्रतिमा असलेले पाक लष्कर प्रमुख असीफ मुनीर सध्या अमेरिका दौऱ्यावर आहेत. महिन्याभरातच ते दुसऱ्यांदा तेथे गेले आहेत. गेल्या वेळी अमेरिकन अध्यक्षांसोबत त्यांनी जेवण घेतले. आता ते विविध ठिकाणी भेटीगाठी घेत आहेत. अमेरिकेतील पाक समुदायासोबत मुनीर यांनी संवाद साधला. त्यात त्यांनी अनेक मुक्ताफळे उधळळी आहेत. ‘ आमच्याकडे अण्वस्त्रे आहेत आणि संरक्षणासाठी त्याचा आम्ही बिनधास्त वापर करू. पाकिस्तानवर आपत्ती आली तर अर्ध्या जगाला घेऊन आम्ही बुडू ’ हे त्यापैकीच आहे. त्यांचे दुसरे वक्तव्य असे की, ‘ गुजरातच्या जामनगरमध्ये अंबानींच्या रिलायन्सचा जगातील सर्वात मोठा तेल शुद्धीकरण प्रकल्प आहे. जर, भारताने पुन्हा पाकिस्तानवर हल्ला केला तर पाकिस्तान सर्वप्रथम जामनगरच्या प्रकल्पाला लक्ष्य करेल. ’ त्यांच्या या वक्तव्यावरुन भारतात अतिशय तिखट...

अमेरिकेला भारत काय प्रत्युत्तर देणार ? ‘ भारतावर महासंकट घोंघावत आहे ’ , असे याच स्तंभात तीन आठवड्यांपूर्वी मांडल्यानंतर आता त्याचा प्रत्यय येऊ लागला आहे. २५ टक्के आयात शुल्क आणि दंडाची घोषणा करून ट्रम्प यांनी मोठा गहजब उडवून दिला आहे. भावेश ब्राह्मणकर जगभरात दबदबा, धाकदपटशा निर्माण करणारे आणि मनमानीपणा, लहरी, तामसी तसेच तर्कट म्हणून प्रसिद्ध असलेल्या डोनाल्ड ट्रम्प यांनी अखेर भारतीय वस्तूंवर थेट २५ टक्के आयात शुल्क लावण्याची घोषणा केली आहे. विशेष म्हणजे ते केवळ एवढ्यावरच थांबलेले नाहीत. रशियाकडून   तेल आणि लष्करी सामुग्री भारत खरेदी करीत असल्याने वाढीव शुल्क आकारण्याचेही जाहीर करून टाकले आहे. भारत-अमेरिका व्यापार करार शिष्टमंडळाची बोलणी अद्याप पूर्ण झालेली नाही. चर्चेच्या पाच फेऱ्या झाल्या आहेत. सहावी फेरी ऑगस्टमध्ये प्रस्तावित आहे. अशातच ट्रम्प यांनी शुल्काचा गोळा टाकून खळबळ उडवून दिली आहे. एवढ्यावरच हे थांबलेले नाही तर ट्रम्प यांनी एक धक्कादायक विधान केले आहे. ते म्हणतात की, ‘ अमेरिका लवकरच पाकिस्तानबरोबर तेलसाठे विकसित करीत आहे. कदाचित एक दिवस तेथून भारताला तेल विकले जाईल...

भारतावर हे महाकाय संकट धडकणार ? जागतिक अर्थ, राजकारण आणि संरक्षण क्षेत्रात तेल अतिशय केंद्रस्थानी आहे. दोन्ही महायुद्धात तेलाचे स्थान कळीचेच होते. आता याच तेलावरुन भारतावर महासंकट धडकण्याची चिन्हे आहेत. भावेश ब्राह्मणकर भारत आणि अमेरिका यांच्यात सध्या व्यापार कराराची बोलणी सुरू आहे. तसे पाहता ९ जुलैपर्यंत अंतिम करार किंवा त्याची घोषणा अपेक्षित होती. तत्पूर्वी याबाबत मॅरेथॉन वाटाघाटी सुरू होत्या आणि आहेत. भारताचा मोठा गट अमेरिकेत ठाण मांडून बसला आहे. व्यापार शुल्क वाढविण्याच्या भीतीने आपल्यासोबत वाटाघाटी करण्याची वेळ अमेरिकेने अनेक देशांवर आणली आहे. अमेरिकला अधिकाधिक लाभ मिळावा हा यामागे हेतू आहे. भारतासोबतचा व्यापार करार अंतिम झालेला नसतानाच एक चिंताजनक बाब समोर येत आहे. एकप्रकारे हे भारतावरील महासंकटच म्हणता येईल. त्यामुळे त्याबाबत विस्तृत जाणून घेणे अगत्याचे आहे. संपूर्ण जगाचा डोलारा तेलामुळेच किंवा तेलावरच चालतो आहे, असे म्हटले तर वावगे ठरणार नाही. देशोदेशीची अर्थव्यवस्था, विकास आणि इतर अनेक बाबी तेलावरच अवलंबून आहेत. भूगर्भात असलेली ही मौलिक साधनसंपत्ती या पृथ्वीतलाची अदभूत...

युद्धग्रस्त, शापित अन् अस्वस्थ पश्चिम आशिया बॉम्ब वर्षाव, मृत्यूचे तांडव, भयाची दहशत, क्रूरतेची छाया अशा अत्यंत भयावह स्थितीत असलेला पश्चिम आशिया आणखीनच अस्वस्थ झाला आहे. इस्त्राईलच्या गाझावरील हल्ल्यांनी माणुसकीला पार काळीमा फासली आहे. त्यात आता इस्त्राईलने इराणवर हल्ले चढविले आहेत. हे सारे ‘ विनाशकाले विपरीत बुद्धि ’ असेच आहे. भावेश ब्राह्मणकर अन्नाची पाकीटे घेण्यासाठी जिवाच्या आकांताने धावणारे चिमुकले, वृद्ध, महिला अशा साऱ्यांवरच धाडकन बॉम्ब पडतो... कानठळ्या बसवणारा स्फोट होतो... क्षणार्धात सारेच उध्वस्त होते... नियतीच्या दुष्टचक्रामुळे हे सारे घडते आहे का ? असा विचार करणाऱ्यांना हे कुठे ठाऊक आहे की, बेंजामिन नेतन्याहू सारख्या क्रूरकर्म्याचा थयथयाट सुरू आहे ! युद्धोतिहासात आजवर हिटलरच्या अनेक निष्ठूर कहाण्या सांगितल्या जातात. मात्र, इस्राईलचे नेतृत्व करणाऱ्या नेतन्याहू यांनी मानवाधिकारांसह अनेक आंतरराष्ट्रीय नियम आणि कायद्यांचे सर्रास उल्लंघन करीत शस्त्रास्त्रांच्या हल्ल्यांचा सिलसिला कायम ठेवला आहे. विशेष म्हणजे, जगातील १९४ देशांच्या डोळ्यादेखत हे घडते आहे. या सर्व देशातील ...

पाकिस्तानसोबत शस्त्रसंधी का आणि कशी झाली ? ऐन भरात असलेले ‘ ऑपरेशन सिंदूर ’ अचानक का स्थगित झाले ? शस्त्रसंधी कशी काय झाली ? अब्जावधींचा निधी देणाऱ्या अमेरिकेचा शत्रू लादेनला आश्रय देणारा पाक भारतासाठी विश्वासार्ह कसा झाला ? वारंवार आपल्या पाठीत खंजीर खुपसणारा आणि दहशतवाद पोसणाऱ्या पाकच्या एका फोनवर आपण शस्त्रसंधी केली ? अमेरिका श्रेय का घेते आहे ? भारत सरकारला मिठाची गुळणी टाकावीच लागेल... भावेश ब्राह्मणकर पहलगाम दहशतवादी हल्ल्याचा बदला म्हणून भारताने ‘ऑपरेशन सिंदूर’ द्वारे एकाचवेळी दहशतवाद्यांच्या एकूण ९ ठिकाणांवर जबर हल्ले केले. केवळ पाकव्याप्त काश्मीरच (पीओके) नाही तर थेट पाकिस्तानात आणि ते सुद्धा पंजाब प्रांतातील दहशतवादी स्थळे अचूकपणे उद्वस्त केली. पाक एवढा हादरला की त्याने सीमेबरोबरच भारतीय शहरे आणि सैन्य ठिकाणांवर ड्रोन, क्षेपणास्त्र आणि मानवविरहीत वाहन (युएव्ही) यांच्याद्वारे हल्ला चढविला. भारतीय सैन्याची जय्यत तयारी, शस्त्रांची उपलब्धता आणि कार्यक्षमता यामुळे हे हल्ले निकामी ठरले. अत्याधुनिक तंत्रज्ञानाच्या माध्यमातून तसेच तुर्की व चीनच्या संरक्षण सामग्रीद्वारे पा...