...म्हणून नाशिकला झाले मिग २१ चे उत्पादन (साप्ताहिक सकाळ)
...म्हणून नाशिकला झाले मिग २१ चे उत्पादन भारताच्या सुरक्षा आणि संरक्षण क्षेत्रात इतिहास घडविणारी मिग २१ ही लढाऊ विमाने सेवानिवृत्त होत आहेत. या विमानांचे संपूर्ण उत्पादन नाशिकच्या ओझरमध्ये झाले. ते कसे सुरू झाले ? त्यापूर्वी कुठल्या नाट्यमय घडामोडी घडल्या ? या विमानांमुळे संरक्षण क्षेत्रात आत्मनिर्भरतेची पायाभरणी कशी झाली ? यांचा घेतलेला हा धांडोळा... भावेश ब्राह्मणकर ही घटना आहे १९६२ ची. चीनने भारतावर आक्रमण केले. या युद्धात भारताला मानहानीकारक पराभव पत्करावा लागला. परिस्थितीचे गांभीर्य ओळखून तत्कालिन पंतप्रधान पंडित जवाहरलाल नेहरू यांनी संरक्षणमंत्री पदासाठी यशवंतराव चव्हाण यांना पाचारण केले. चव्हाण त्यावेळी महाराष्ट्राचे मुख्यमंत्री होते. मुख्यमंत्रीपदाचा राजीनामा देत चव्हाण यांनी संरक्षणमंत्री पदाची शपथ घेतली. मात्र, केंद्रात मंत्री झाल्यामुळे त्यांना सहा महिन्याच्या आत खासदार होणे आवश्यक होते. ही बाब लक्षात घेऊन नाशिककरांनी चव्हाण यांना बिनविरोध निवडून दिले. हे ऋण फेडण्यासाठी चव्हाण यांनी नाशिकला मोठा संरक्षण प्रकल्प देण्याचे जाहीर केले. चीन युद्धामुळे भारताला जाणिव झाली ...