पहलगाम हल्ल्याचे टायमिंग आणि अनुत्तरीत प्रश्न (नवशक्ती)
पहलगाम हल्ल्याचे टायमिंग आणि अनुत्तरीत प्रश्न काश्मीरच्या पहलगाममधील क्रूर दहशतवादी हल्ला हा काही अचानक झालेला नाही. त्यामागे मोठे नियोजन आणि पाक लष्कराची साथ आहे. या हल्ल्याचे टायमिंग पाहता अनेक अनुत्तरीत प्रश्न काय सांगत आहेत ? भावेश ब्राह्मणकर ‘ मिनी स्वित्झर्लंड ’ समजल्या जाणाऱ्या बैसनर या पहलगामच्या भागात दहशतवाद्यांनी पर्यटकांवर बेछुट गोळ्या झाडल्या. निष्पाप २६ जणांचा बळी गेला. हा हल्ला झाला त्यावेळी पंतप्रधान नरेंद्र मोदी सौदी अरेबियात तर, अमेरिकेचे उपाध्यक्ष जे. डी. व्हान्स भारत दौऱ्यावर होते. म्हणजेच, एकाच दगडात अनेक पक्षी मारण्याचे टायमिंग दहशतवाद्यांनी आणि या हल्ल्याच्या क्रूर सूत्रधारांनी साधले आहे. यापूर्वी काश्मीरमध्ये अनेक दहशतवादी हल्ले झाले. पठाणकोट, उरी व बारामुल्ला (२०१६), अमरनाथ यात्रा (२०१७), पुलवामा (२०१९). मात्र, आताचा हा हल्ला अनेक अर्थाने महत्त्वाचा आहे. या हल्ल्यानंतर पंतप्रधान मोदी यांनी तत्काळ सौदी अरेबियाचा दौरा आटोपून मायदेश गाठले. म्हणजे नियोजित गाठीभेटी आणि अनेक महत्वपूर्ण बाबी अपूर्ण राहिल्या. हे व्हावे हिच कदाचित हल्ल्यामागची योजना असावी. आखात...