BhavBrahma

जगातील सर्वात मोठ्या कराराचे वेध अमेरिकन शुल्कामुळे बेजार झालेल्या भारतीय अर्थव्यवस्थेला जगातील सर्वात मोठा करार खुणावतो आहे. गेल्या दोन वर्षांपासूनचे अथक परीश्रम फळाला येण्याची चिन्हे आहेत. हे ईप्सित साध्य झाले तर मोठा अध्यायच लिहिला जाईल. भावेश ब्राह्मणकर रशियाकडून तेल खरेदी करीत असल्याची जबर शिक्षा म्हणून अमेरिकन राष्ट्राध्यक्ष डोनाल्ड ट्रम्प यांनी भारतीय मालावर थेट ५० टक्के आयात शुल्क लागू केले आहे. त्यामुळे भारत-अमेरिकेतला १२९ अब्ज डॉलरचा व्यवहार अडचणीत आला आहे. भारतीय अर्थव्यवस्थेला हा मोठा झटका आहे. कारण, भारतीय वस्तू अमेरिकेत निर्यात होण्याचे प्रमाण सर्वाधिक आहे. या अडचणीच्या वरवंट्यात मात्र आशेचा किरण निर्माण झाला आहे. भारताने यापूर्वीच इंग्लंड सोबत मुक्त व्यापार करार केला आहे. आता जगातील सर्वात मोठा मुक्त व्यापार करार भारताच्या पुढ्यात येऊन ठेपला आहे. तो प्रत्यक्षात आला तर जागतिक अर्थव्यवस्थेवर त्याचा मूलगामी परिणाम होणार आहे. शिवाय २०४७ पर्यंत विकसित भारताकडे नेण्याच्या संकल्पात तो मैलाचा दगडही ठरणार आहे. अमेरिकेने शुल्क लादल्यानंतर यासंदर्भात भारताकडून उघडपणे नाराजी...

राष्ट्रपतींच्या पोर्तुगाल, स्लोव्हाकिया दौऱ्याचे फलित सर्वसाधारणपणे पंतप्रधान नरेंद्र मोदींच्या परदेश दौऱ्यांची जेवढी चर्चा होते तेवढी अन्य मान्यवरांच्या दौऱ्याची नसते. राष्ट्रपती द्रौपदी मूर्मू यांनी नुकताच केलेला पोर्तुगाल आणि स्लोव्हाकिया या दोन देशांचा दौराही असाच होता. या दौऱ्याने काय साधले ? याचा घेतलेला हा धांडोळा... भावेश ब्राह्मणकर भारतीय राज्यघटनेतील सर्वात मोठे पद असलेल्या राष्ट्रपतींचा दौरा माध्यमांमध्ये झाकोळला जाणे ही तशी नवी बाब नाही. एरवी पंतप्रधान मोदींच्या परदेश दौऱ्यांचे रसभरीत वर्णन होत असते. मोदींभोवतीचे वलय हे त्यामागचे कारण आहे. राष्ट्रपती द्रौपदी मूर्मू यांची साधी राहणी आणि स्वभाव यामुळे कदाचित त्यांना खचितच प्रसिद्धी लाभते. मूर्म यांनी नुकताच दोन देशांचा दौरा केला. हे दोन्ही देश युरोपातील आहेत. त्यांच्या दौऱ्यामुळे भारत आणि त्या दोन्ही देशातील संबंध अधिक वृद्धींगत होणार आहेत. तसेच, आगामी काळात व्यापार, संरक्षण अशा विविध क्षेत्रांना चालनाही मिळणार आहे. अमेरिकेने जबर आयात शुल्क जाहीर करुन स्थगिती दिली असली तरी भारताला आपल्या मालाची विक्री करण्यासाठी नवी ...

अत्यंत आव्हानात्मक स्थितीतून जाणाऱ्या जर्मनीत सार्वत्रिक निवडणूक निकाल जाहीर झाले. पण, एकाही पक्षाला बहुमत मिळालेले नाही. पुन्हा आघाड्यांचे सरकार सत्तारुढ होणार आहे. कठीण अवस्थेतून मार्गक्रमण करणारा युरोप आणि डोनाल्ड ट्रम्प यांचे तगडे आव्हान जर्मनीसाठी अतिशय खडतर आहे. भावेश ब्राह्मणकर दुसऱ्या महायुद्धातील क्रूर कर्मा, हुकुमशाह अडॉल्फ हिटलर मुळे ओळखला जाणारा जर्मनी हा युरोपातील एक देश. दुसऱ्या महायुद्धाचा अतिशय काळा इतिहास बाजूला सारत या देशाने लोकशाही स्वीकारली आणि अतिशय वेगाने विकासाकडे वाटचाल करण्यासाठी प्रयत्न केले. म्हणूनच जगातील पहिल्या पाच आर्थिक महासत्तांमध्ये येण्याची किमया या देशाने साध्य केली. याचे श्रेय जाते अंजेला मर्केल या महिलेला. जर्मनीच्या चॅन्सेलरपदाची जबाबदारी मर्केल यांनी अतिशय समर्थपणे सांभाळली. देशातील विविध आव्हानांवर चोखपणे मात केली आणि जर्मनीला आर्थिक आघाडीवर अग्रेसर बनवले. मात्र, त्यांच्या पश्चात जर्मनीत राजकीय आणि सर्वच पातळ्यांवर अडथळ्यांची शर्यत सुरू आहे. गेली चार वर्षे आघाड्यांच्या राजकारण आणि सत्तेचा अनुभव घेणाऱ्या जर्मन नागरिकांनी यंदाच्या सार्वत्रि...