वाळवंटात पूर आणि दुर्मिळ माकडांचे अस्तित्व (सामना उत्सव पुरवणी विशेष)
सध्या हवामान बदलाचा हाहाकार पहायला मिळत आहे. भारतात मान्सून रेंगाळला आहे तर चीनमधील वाळवंटात पूर आला आणि इंडोनेशियात दुर्मिळ माकडे अस्त होण्याच्या मार्गावर आहेत. भावेश ब्राह्मणकर संपूर्ण जग सध्या एका वेगळ्या आणि अत्यंत चिंताजनक हवामान बदलाच्या कालखंडातून जात आहे. कधी नव्हे ते निसर्गाचे असे चमत्कार आणि प्रकोप पाहायला मिळत आहेत , ज्याची मानवाने कधी कल्पनाही केली नव्हती. नुकत्याच समोर आलेल्या दोन वेगवेगळ्या जागतिक घटनांनी पर्यावरण तज्ज्ञांची झोप उडवली आहे. एकीकडे चीनमधील जगातील सर्वात कोरड्या समजल्या जाणाऱ्या टाकलामाकन वाळवंटात भीषण पूर आला आहे , तर दुसरीकडे इंडोनेशियातील मुसळधार पाऊस आणि भूस्खलनामुळे जगातील अत्यंत दुर्मिळ अशा ' तापनुली ओरंगुटान ' या प्रजातीच्या माकडांचे अस्तित्वच धोक्यात आले आहे. या दोन्ही घटना मानवासाठी धोक्याची घंटा आहेत. चीनच्या उत्तर-पश्चिमेकडील शिनजियांग प्रांतात असलेले टाकलामाकन वाळवंट हे चीनमधील सर्वात मोठे आणि जगातील अत्यंत रखरखीत वाळवंट म्हणून ओळखले जाते. मात्र , यावर्षी जून महिन्याच्या सुरुवातीलाच या वाळवंटाने एका अभूतपूर्व संकटाचा सामना केला – तो...
