पाकिस्तानसोबत शस्त्रसंधी का आणि कशी झाली? (नवशक्ती)
पाकिस्तानसोबत शस्त्रसंधी का आणि कशी झाली ? ऐन भरात असलेले ‘ ऑपरेशन सिंदूर ’ अचानक का स्थगित झाले ? शस्त्रसंधी कशी काय झाली ? अब्जावधींचा निधी देणाऱ्या अमेरिकेचा शत्रू लादेनला आश्रय देणारा पाक भारतासाठी विश्वासार्ह कसा झाला ? वारंवार आपल्या पाठीत खंजीर खुपसणारा आणि दहशतवाद पोसणाऱ्या पाकच्या एका फोनवर आपण शस्त्रसंधी केली ? अमेरिका श्रेय का घेते आहे ? भारत सरकारला मिठाची गुळणी टाकावीच लागेल... भावेश ब्राह्मणकर पहलगाम दहशतवादी हल्ल्याचा बदला म्हणून भारताने ‘ऑपरेशन सिंदूर’ द्वारे एकाचवेळी दहशतवाद्यांच्या एकूण ९ ठिकाणांवर जबर हल्ले केले. केवळ पाकव्याप्त काश्मीरच (पीओके) नाही तर थेट पाकिस्तानात आणि ते सुद्धा पंजाब प्रांतातील दहशतवादी स्थळे अचूकपणे उद्वस्त केली. पाक एवढा हादरला की त्याने सीमेबरोबरच भारतीय शहरे आणि सैन्य ठिकाणांवर ड्रोन, क्षेपणास्त्र आणि मानवविरहीत वाहन (युएव्ही) यांच्याद्वारे हल्ला चढविला. भारतीय सैन्याची जय्यत तयारी, शस्त्रांची उपलब्धता आणि कार्यक्षमता यामुळे हे हल्ले निकामी ठरले. अत्याधुनिक तंत्रज्ञानाच्या माध्यमातून तसेच तुर्की व चीनच्या संरक्षण सामग्रीद्वारे पा...