BhavBrahma

सर्वेसर्वा शी जिनपिंग चीनमध्ये मोठी आणि ऐतिहासिक साफसफाई मोहिम राबवत आहेत. भ्रष्टाचारावरून त्यांनी अनेक दिग्गजांवर कठोर कारवाई केली आहे. आताही त्यांनी देशातील दुसऱ्या क्रमांकाच्या नेत्याला हात घातला आहे. ही मोहिम नक्की काय आहे ? भावेश ब्राह्मणकर चीनच्या सैन्यातील सर्वात वरिष्ठ व प्रभावशाली अधिकारी जनरल झांग यूक्सिया यांच्याविरुद्ध गंभीर शिस्तभंग व कायदा उल्लंघनाच्या आरोपांवर चौकशी सुरू करण्यात आली आहे. हे पाऊल चीनच्या पीपल्स लिबरेशन आर्मी मधील नेतृत्वाला ढवळून टाकणाऱ्या , अत्यंत महत्त्वाच्या आणि ऐतिहासिक बदलांपैकी एक मानले जात आहे. तसेच ही कारवाई केवळ चीनच्या देशांतर्गत राजकारणापुरती मर्यादित नसून त्याचा आंतरराष्ट्रीय सुरक्षा , चीनच्या शेजारच्या देशांवरील धोरणे आणि जागतिक सामरिक संतुलनावर मोठा परिणाम होण्याची शक्यता आहे. जनरल झांग यूक्सिया हे चीनच्या सेंट्रल मिलिटरी कमिशनचे (सीएमसी) उपाध्यक्ष आणि कम्युनिस्ट पार्टीच्या पोलिट ब्युरोचे सदस्य होते. याचाच अर्थ झांग हे राष्ट्राध्यक्ष शी जिनपिंगनंतरचे दुसरे सर्वात उच्च सैन्य अधिकारी म्हणून काम करत होते. झांग यांच्या विरोधात गंभीर शिस्तभ...

अवघ्या २० वर्षांची राजकुमारी सैन्य दलातील खडतर प्रशिक्षण घेत असल्याचे फोटो, व्हिडिओ सोशल मिडियात व्हायरल झाले आहेत. काय आहे हा प्रकार ? ती हे प्रशिक्षण का घेत आहे ? याने कोणता इतिहास रचला जाणार आहे ? भावेश ब्राह्मणकर युरोपमधील राजेशाहीचा इतिहास नेहमीच जगासाठी आकर्षणाचा केंद्रबिंदू राहिला आहे. मात्र , सध्या स्पेनमध्ये जे घडत आहे , ते केवळ कौतुक करण्यासारखे नसून ऐतिहासिक बदलाची नांदी ठरणारे आहे. गेल्या १५० वर्षांतील स्पेनच्या पहिल्या राज्यकर्ती राणी (रेनिंग क्वीन) बनण्यासाठी २० वर्षीय राजकुमारी लिओनोर सज्ज होत आहेत. राजवाड्याच्या सुखसोयी सोडून रणांगणावरील तब्बल तीन वर्षांचे खडतर प्रशिक्षण पूर्ण करणाऱ्या या राजकुमारीने आपल्या जिद्दीने संपूर्ण जगाचे लक्ष वेधून घेतले आहे. स्पेनच्या राजघराण्याचा इतिहास हा अतिशय रंजक आणि चढ-उतारांनी भरलेला आहे. गेल्या १००० वर्षांत या राजघराण्याने अनेक युद्धे , साम्राज्य विस्तार आणि लोकशाहीचा उदय पाहिला आहे. आधुनिक स्पेनची खरी सुरुवात १४६९ मध्ये झाली. राणी इसाबेला (कॅस्टिल) आणि राजा फर्डिनांड (अरागॉन) यांच्या विवाहामुळे स्पेनमधील दोन मोठी राज्ये एकत्र ...

जसा समुद्र अथांग असतो तसे सौर पॅनल्स साकारून चीनने अभूतपूर्व असा विक्रम केला आहे. तब्बल ४२० चौकिमीवरील हे सौर पॅनल्स सध्या जगभरात चर्चेचे ठरत आहेत. यातून चीनने नक्की काय साध्य केलं आहे ? भावेश ब्राह्मणकर समुद्रसपाटीपासून सुमारे १० , ००० फूट उंचीवर , जिथे हवा विरळ आहे आणि सूर्यप्रकाश अधिक तीव्र आहे , तिथे निळ्याशार काचेच्या पॅनेलचे एक अथांग महासागर पसरलेले दिसते. हे चित्र आहे ' जगाचे छप्पर ' समजल्या जाणाऱ्या तिबेटी पठाराचे. चीनने या दुर्गम आणि उंचावर असलेल्या प्रदेशात तब्बल १६२ चौरस मैल (सुमारे ४२० चौरस किलोमीटर) क्षेत्रफळावर सौर पॅनेलचे जाळे विणले आहे. न्यूयॉर्क टाइम्सच्या अहवालानुसार , हे केवळ एक ऊर्जा प्रकल्प नसून जागतिक हवामान बदल , कृत्रिम बुद्धिमत्ता आणि भू राजकीय वर्चस्व यांच्या लढाईतील चीनचे एक महत्त्वाचे पाऊल आहे. चीनच्या किंगहाई प्रांतातील ' तालातान सोलर पार्क ' हा जगातील सर्वात मोठ्या सौर ऊर्जा प्रकल्पांपैकी एक आहे. याचे क्षेत्रफळ तब्बल चेन्नई महापालिका क्षेत्राएवढे मोठे आहे. या प्रकल्पाची क्षमता इतकी अफाट आहे की , तो सुमारे ७० लाख घरांना वीज पुरवू शकतो. ...