ट्रम्प यांनी रशियासाठी पेटवले युद्ध?
अमेरिकन राष्ट्राध्यक्ष डोनाल्ड ट्रम्प यांनी रशियाच्या फायद्यासाठी इराण युद्धात उडी घेतली आहे. हे वाचून तुम्हालाही आश्चर्य वाटले ना ! पण , हे खरे आहे . ते कसे ? भावेश ब्राह्मणकर पर्शियन आखातातील तणाव आणि इराणसोबत सुरू असलेल्या युद्धामुळे जागतिक राजकारणाचे केंद्र पुन्हा एकदा आखाती देशांकडे सरकले आहे. अमेरिकन राष्ट्राध्यक्ष डोनाल्ड ट्रम्प विजयाचे दावे करत असले , तरी जमिनीवरील वास्तव वेगळे आहे. ' होर्मुझची सामुद्रधुनी ' बंद झाल्यामुळे केवळ कच्च्या तेलाचेच नव्हे , तर जागतिक अन्नसुरक्षेचे आणि खत बाजारपेठेचे गणितही पूर्णपणे बिघडले आहे. मात्र , या सर्व रणधुमाळीत रशिया हा सर्वात मोठा ' सुप्त लाभार्थी ' म्हणून समोर येत आहे. युक्रेन युद्धामुळे जागतिक राजकारणात कोपऱ्यात ढकलल्या गेलेल्या व्लादिमीर पुतिन यांच्या रशियाला इराण युद्धाने जणू नवी संजीवनी दिली आहे. रशियाच्या तिजोरीत अब्जावधींची भर होर्मुझची सामुद्रधुनी बंद होणे हे तेल उद्योगासाठी नेहमीच एक ' दुःस्वप्न ' मानले जात असे. आज ते वास्तव बनले आहे. जगातील एकूण तेल वाहतुकीपैकी एक तृतीयांश वाहतूक या मार्गाने होते. यु...
