पॅरिस ऑलिम्पिक आणि सीन नदीचा वाद (अक्षरनामा)
पॅरिस ऑलिम्पिक आणि सीन नदीचा वाद पॅरिसमध्ये ऑलिम्पिकचा उदघाटन सोहळा तोंडावर असतानाच सीन नदीवरुन बराच वाद सुरू आहे. तो नेमका काय आहे ? या वादामुळे ऑलिम्पिक उदघाटन सोहळ्याला गालबोट तर लागणार नाही ना ? फ्रान्सचे क्रीडामंत्री आणि पॅरिसच्या महापौरांनी या नदीत उड्या का मारल्या ? भावेश ब्राह्मणकर असं म्हणतात की नदीचं मूळ शोधू नये. पण, नाईलाजाने पॅरिसमधील सीन नदीचे मूळ शोधण्याचा प्रयत्न जगभरात सुरू झाला आहे. त्याचे कारण आहे ऑलिम्पिक स्पर्धा. आता तुम्ही म्हणाल की, या स्पर्धांचा नदीशी काय संबंध ? तर तो आहे. ऑलिम्पिकचा उदघाटन सोहळा सीन नदीच्या किनारी तर होणारच आहे शिवाय ऑलिम्पिकच्या काही जलतरण स्पर्धा सुद्धा या नदीच्या पात्रातच होणार आहेत. म्हणूनच ही नदी सध्या जगभरातील मिडिया आणि सोशल मिडियात चर्चेच्या स्थानी आहे. सीन नदीचा हा वाद नेमका काय आहे हे आपण आता जाणून घेऊ.... सीन नदी ही फ्रान्समधील प्रमुख नदी आहे. फ्रान्सच्या उत्तरेला पॅरिस शहर हे या नदीवर वसलेले आहे. या नदीची एकूण लांबी ७७७ किलोमीटर एवढी आहे. पॅरिस शहरात या नदीवर एकूण ३७ पूल आहेत. ही नदी पुढे इंग्लिश खाडीत मिसळते. राजधानी पॅ...