BhavBrahma

पंजाबमध्ये पुराने हाहाकार का उडाला ? कृषी समृद्ध पंजाब राज्यात अतिवृष्टी आणि महापुराने अक्षरशः हाहाकार उडाला आहे. शेकडो एकर शेती आणि १९०२ गावे पाण्यात गेली आहेत. ४ ते ५ हजार कोटी रूपयांचे नुकसान झाले आहे. हे अचानक कसे आणि का घडले ? भावेश ब्राह्मणकर भारतातील एकूण २० टक्के गहू आणि १२ टक्के तांदूळ पंजाब राज्यात उत्पादित होतो. यावरुन या राज्याचे कृषी क्षेत्रातील योगदान कळून चुकते. मात्र, गेल्या काही दिवसांपासून पंजाबमध्ये अतिवृष्टी आणि महापुराने प्रचंड वाताहत झाली आहे. तेथे तब्बल ३.८ लाख नागरिक बाधित झाले आहेत तर ११.७ लाख हेक्टर शेतपिके नष्ट झाली आहेत. आतापर्यंत ४३ लोकांचा बळी गेला आहे. २३ जिल्ह्यांना पुराने वेढा दिला आहे. सुमारे ४ ते ५ हजार कोटींचे नुकसान झाल्याचा अंदाज आहे. पाण्याने वेढलेली गावे आणि शेत यांचे फोटो तसेच व्हिडिओ सोशल मिडियात व्हायरल झाले आहेत. पण हे सारे कसे आणि का घडले यावर प्रकाश टाकणे आवश्यक आहे. पंजाबला यापूर्वीही महापुराने वेढल्याच्या नोंदी आहेत. १९५५, १९८८, १९९३, २०१९ आणि २०२३ मध्ये मोठी वाताहत झाली होती. आताही असेच घडते आहे. पंजाबमध्ये तीन प्रमुख नद्या आहेत....